Tha an t-Eilean Sgitheanach ainmeil agus a’ tarraing dhaoine bho air feadh an t-saoghail a tha airson seallaidhean breagha fhaicinn no airson barrachd fhaighinn a-mach mu eachdraidh agus cultar na sgìre. Tha an t-Àth Leathann a’ laighe aig bonn an Cuiltheann agus deas air Bàgh an Àth Leathainn far a bheil na bailtean eile air an t-slighe seo leithid Achadh a’ Chùirn, Breacais agus Aiseag. Tarsainn a’ bhàigh chithear seallaidhean de dh’Eilean Phabaigh agus a-null dhan Chomraich air tìr-mòr.
Tha an sgìre nas fharsainge san t-Strath sònraichte agus a’ gabhail a-steach iomadh taobh de dh’eachdraidh an eilein ann an aon àite. Tha seo a’ gabhail a-steach naoi Ionadan de Shuim Shònraichte Shaidheansail, trì Ionadan Sònraichte Glèidhteachais, Roinn Seallaidheach Nàiseanta agus Roinn Dìon Shònraichte.
Tha baile an Àth Leathainn fhèin gu math trang le grunn bhùithtean, cafaidhean agus àitean-bidh tha goireasan gu leòr ann airson daoine a fhrithealadh.